Getxok proposamen harrigarri eta interesgarriak eskaintzen ditu, berrikuntza eta kalitate turistikoa ezaugarri direla.
Bizkaia Zubia audiogidarekin bisitatzea gomendatzen dugu (audiogidarekin Gizateriaren Ondare monumentu honen historia ezagutuko duzu). Eta ibilbidea gidaririk gabe, zure kontura, egitea bada zurea, jar zaitez martxan Algortako Portu zaharrerainoko
funtsezko ibilbidea eginez, edo Galeako itsaslabarretarainoko ibilbidean, horrela inguru horren irudi osoagoa nahi dutenek ikuspegiez gozatzeko edo argazkiak ateratzeko aukera izan dezaten (Bizkaia Zubia, Portu Zaharra, Galea).
Ezagutu Getxo Monumentala eta Kulturala
Gidaririk gabeko beste ibilbide batzuk, autogidatuak: «Etxe Handien Pasealekua«: 29 interpretazio-panelen bidez, Getxoko urrezko urteak berpiztu ahal izango dituzu. Euskal arkitektoek eraikitako etxe handi hauek Bizkaiko historiako garai bikain horren isla dira. Eta Deapie: arkitektura eta paisaia ardatz dituzten ibilbide kulturalak, Getxorekin lotura berezia izan duten 14 pertsonaren historian oinarrituz. “Etxe Handien Pasealekua” Ibilbide autogidatua – Deapie, Ibilbide autogidatuak
Erosotasun handiagoz egiteko, proposatzen ditugu Getxoko ondarea ezagutzeko 2 ibilbide audio-gidatu taxiz: Kostalde Monumentala ibilbidea, 20 minutukoa, Bizkaia Zubian hasi eta Portu Zaharrean amaitzen dena; eta Getxo Oso-osorik, 60 minutukoa, Areeta, Neguri, Algorta eta Andra Mari zeharkatzen dituen ibilbide zirkularra, hasierako puntu berean edo bisitariak erabakitzen duen lekuan amai daitekeena. Audio-gidatu bisita turistikoa Taxiz “Kostalde monumentala” eta Audio-gidatu bisita turistikoa Taxiz “Getxo Oso-osorik”
El Bote Tours itsas zerbitzua: ezagutu Bilbo, Getxo, Portugalete eta Santurtzi, «El Bote Tours»-k eskaintzen dizkizun 4 geltokiei esker. Bilbo beste ikuspegi batetik ezagutzeko aukera emango dizu, zure erritmoan, Bilboko itsasadarrean eta Abrako badian barrena. Audiogida: Gaztelania/Euskara/Ingelesa/Frantsesa (prezioaren barruan). Bilboko itsasadarra txartelarekin Getxon, Portugaleten, Santurtzin eta Bilbon jaitsi eta igo ahal izango zara, eta Bahia del AbrarekinGetxon, Portugaleten eta Santurtzin. “Bote Tours” Bisita audio-gidatua itsasontiz
Esperientzia teknologikoetarako, liluragarria da Errealitate Birtuala deiturikoa. Getxo VR programarekin errealitate birtualaren bidez ikuspegi ikusgarrienetan, leku berri eta enblematikoetan, merkataritza-guneetan eta Getxoko giro lasaietan murgildu ahal izango zara. Sakelakoaren giroskopioari esker, murgilketa erabatekoa da; izan ere, mundu birtualak errealak erreakzionatu beharko lukeen bezala erreakzionatzen du, eta ikusmenarekin elkarreraginez, leku bakoitzeko informazioa jasoko duzu. Hilero toki berriak ezagutu ahal izango dituzu argazki berriei esker, bertan bazina bezala. Aurki ezazu! Helbide honetan: Getxo VR Errealitate Birtuala
Magic fly: bizi esperientzia! Ibilbide interaktibo hau Bizkaia Zubian edo Portu Zaharrean has dezakezu. Bi puntuetan totem bana dago (Zubiko plazan eta Portu Zaharreko beheko aldean). Bertan, QR kodea eskaneatu behar da telefonoarekin, eta, hortik aurrera, ibilbidean zehar aurkitutako 7 «pistak» jarraitu besterik ez da egin behar. Gutxi gorabeherako iraupena: 1:30-2: 30 ordu, bisitariaren erritmoaren arabera.
Edo deskargatu doan “Getxo, Portu Zaharra” aplikazioa. Berari esker, Portu Zaharraren inguruko xarma ezagutuko duzu, etxez etxe. Portuko ibilbidean haren historia interpretatzeko panelak ikusiko dituzu, irakurri zein entzun ahal direnak, ikusmen-urritasuna duten pertsonentzat eskuragarri baitaude.
QR Tour – Ibilbideak Getxoko ondarean: QR Tour – Ibilbideak Getxoko ondarean
Ez galdu, hil honetan, Bizkaiko Ondarearen Europako Jardunaldiak; Getxoko programa hemen ikus dezakezu (bisitak, hitzaldiak, ikus-entzunezkoak, familientzako ibilbidea): Bizkaiko Ondarearen Europako Jardunaldiak
Esperientzia hauetako edozein erreserbatu dezakezu: 944 91 08 00 • www.getxo.eus/info • infoturismo@getxo.eus